باقي أربع أيام علي الجلسة الخامسة للمحاكمة العسكرية

ماذا تخفي لنا الجلسة الخامسة ؟ هل مزيد من الظلم ؟ أم مزيد من المهزلة الإنسانية ؟ أم مزيد من القمع ؟

*

*

*

*

يا تري أمن الدولة باعت قرارات بأيه لسيادة القاضي المحترم ؟

*

*

*

*

والله كل مرة أروح الجلسة بتبقي كل أمنيتي أفهم حاجة أخرج بمعلومة مفيدة من الجلسة

*
*

*

بس إن شاء الله فرج ربنا قريب وقريب جدا وما ذلك علي الله بعزيز

وبعدين

من فضلكم حد يرد عليا وبعدين لأمتي مش حراااااااام اللي بيحصل ده مش حرام

الذل والظلم اللي عيني عينك ومفيش حد بيتكلم مش حرام جلسة ورا جلسة ومفيش

حد بيتحرك مش حرام كل جلسة نروح المحكمة ونشوف آبائنا اللي عندنا أغلي من

أيحاجة في الدنيا نشفهم جوه القفص ومش قادرين نعمل حاجة يا جماعة حد يعبرني

وبعدين يا جماعة بلدنا جميلة بس الحرامية كتير والشرفاء مرمين في السجن مش

حرام مين يقول كده مين يصدق كده يا ناس يا عالم يا حقوق الإنسان أنتم فين وما

بقاش للإنسان أي قيمة أنتم فين والحقوق أصبحت للأقوي للي يمتلك السوط وبعدين

حد عنده رد يرد عليا من فضلكم يا جماعة انا والدي عنده 53 سنة لو اتحاكم هيخرج

وههوه عنده كام سنة بأي ذنب بأي جريمة إصلاح البلد ولا التغير ولا محاربة

الفساد ...... طبعا مفيش رد أنا عندي طلب ممكن أنا عايز الناس كلها تتكلم

كله يقول اللي عنده بكل حرية آخرتها ايه سجن سجان والله اللي يشوف الظلم

والفساد والسرقة ويخاف من السجان يبقي يستاهل اللي يحصله وهيفضل ياخد

علي دماغه لغاية ما يتباع في سقوقالعبيد أه سوق العبيد والله لو لقوا للشعب

بيعه ليبعوه يا ناس اتكلموا كفاية سكوت.

أي معني هذا للحرية

آخر زيارة كنت فيها عند والدي كان من المفروض أن يأتي قرار لكلا من :

د \ محمود غزلان و د\ محي حامد و د \ مصطفي الغنيمي و أ\ محمد القصاص

و أ \ محمد السروجي بالرحيل من السجن والإفراج ولكن استمرارا لعروض الظلم

جاء القرار بالإفراج عن كلا من أ\ محمد السروجي و أ \ محمد القصاص وقرار اعتقال

لكلا من : د\ محمود غزلان ود \ مصطفي الغنيمي ود \ محي حامد فكان من الطبيعي

أن يكون الفرح والحزن مجتمعان ففرح بالحرية وحزن للظلم الذي صار له يد حاقده

ولكن الذي لفت نظري هو كلا من : أ\ محمد القاص و أ \ محمد السروجي عندما كانوا

يودعون الناس و كان كل شئ فيهم يبكي حزنا علي هذه الحرية الغير الكاملة فإن أفرج

عن أجسادهم فمازالت قلوبهم و مشاعرهم مع كل إخوانهم والله شعرت أنهم في شدة

الإحراج وهم يودعون إخوانهم مع أن هذه حريتهم ولكن أي معني للحرية عندما ينفصل

الجسد عن القلب والمشاعر فكان الله في عونهم وبارك الله في هذه الإخوة العظيمة

النادرة وفرج الله أثر والدي وكل الإخوة الأفاضل إن شاء الله قريبا قل إن نصر الله

قريب .

ليه هتكلم؟؟

وبدأت اتكلم


وبدأت اتكلم وهتكلم حتي تحرر مصر حتي يعود والدي

وكل الإصلاحين الشرفاء إلي ديارهم سالمين بدأت اتكلم

وأنا حاسس إن في أمل بدأت اتكلم وأنا متأكد إن الوضع

ده عمره ما يستمر أبدا بدأت اتكلم علشان ادافع بدأت اتكلم

و أنا نفس كل الناس تتكلم وأنا نفسي يبقي في حرية رأي و

حرية تعبير وحرية فكر بدأت اتكلم ومش هسكت لغاية لما

أغير شئ بدأت اتكلم لغاية لما بلدي حبيبتي تصبح جنة .


رئيس التدوين

فديو ثمن الحرية إهداء من ياسر عاشور